Bedew batly Türkmenistan
Ykballary bagta sary ataran,
Pederleri wysalyna ýetiren,
Bedew waspyn beýik Arşa göteren,
Jümle-jahan gül Diýaryň haýrany,
Garaşsyz, baky Bitarap Türkmenistanym —
Bedew batly at-myradyň mekany!
Güller güllär sährasynda, düzünde,
Watan waspy buýsançlydyr serinde,
Parahatlyk buşlap Ýeriň ýüzünde,
Ýaň salyp dur dost-doganlyk mukamy,
Garaşsyz, baky Bitarap Türkmenistanym —
Bedew batly at-myradyň mekany!
Sanly tehnologiýa, şanly Galkynyş,
Ýaşlaryň kalbynda ynam, özgeriş,
Her ynsanyň ýüzünde bar ýylgyryş,
Buşluk, şatlyk bilen besläp gün-aýy,
Garaşsyz, baky Bitarap Türkmenistanym —
Bedew batly at-myradyň mekany!
Bedewler çarpaýa galar asmana,
Buýsan türkmen, buýsan çüwen ykbala,
Älem haýran gözel Türkmenistana,
Pyragynyň wysal tapan kelamy,
Garaşsyz, baky Bitarap Türkmenistanym —
Bedew batly at-myradyň mekany!
Milli Lider bilen barýarys öňe,
Gahryman Serdarly ýetýäs ak daňa,
Bu gün türkmen toý toýlaýar, gel, toýa,
Rowaçlanýar munda halkyň ykbaly,
Garaşsyz, baky Bitarap Türkmenistanym —
Bedew batly at-myradyň mekany!
Mährem BABAMYRADOWA,
Halkara senagatçylar we telekeçiler uniwersitetiniň talyby.
Çeşmesi: “Türkmenistan Sport” Halkara žurnaly